http://petition.lesinrocks.com/devoirdinsolence/
Aicí coma alhors, Saïdou e Said Bouamama contra tots los colonialismes Concèrt de sostén e debat (dins Aude)
Lo divés 13 e dissabte 14 de seteme 2013, los antiracistas e anticapitalistes de la Hauta-Vath d’Aude qu’arcuelhèvan lo grop lilés Z.E.P (Zone d’Expression Populaire) e lo sociològue e militant Said Bouamama per un concèrt militant e ua taula redonda entà recuélher quauques hons tà preparar lo procès a viéner qui’us pertòca.
Lo rapaire Saïdou deu grop Z.E.P e Saïd Bouamama qu’estón hicats en examen per « injure publique » e « provocation à la discrimination, à la haine ou à la violence » sus ua plenta de l’Agrif (Alliance Générale contre le Racisme et pour le respect de l’Identité Française et chrétienne), un grop d’estrèma dreta nostalgic de l’Argeria Francesa. En causa, un obratge e ua canson deu medish nom : Nique la France, qui arronçan en arrepic : « Nique la France et son passé colonialiste, ses odeurs, ses relents et ses réflexes paternalistes / Nique la France et son histoire impérialiste, ses murs, ses remparts et ses délires capitalistes. »
Los ZEP autan com lo Said Bouamama qu’exprimin de faiçon clara e shans ambigüitat çò qui pensavan e sentivan ua gran partida deus presents : lo public, los sòcis, e los grops e organisacions representadas sus plaça. Lo refus deu racisme, lo refus deu colonialisme e de l’imperialisme françés, tan en Exagòn com en dehòra de las termièras soas atau com dens las colonias las mei esluenhadas. La politica pro-sioniste deu govèrn francés qu’estó evocat com cau e tanben lo drame palestinian, qui segon lo Said Bouamama ne poderà pas estar arresolvut manca dab un combat indissociable de la luta anticapitalista. Tà nosautes occitanistes, qu’ei dab plàser qu’entenom un sociologue seriós parlar deu noste pais com deus pais hrairs qui son lo Bascoat, la Bretanha, o enqüèra la Catalonha, en tan que nacions. Que constatam amassa la pujada de l’islamofobia e las manòbras de dreta com d’esquèrra entà emplegar aquesta fòrma de racisme a fins mausanas com l’islamofobia era-medisha. Solide qu’insistim suu combat noste de liberacion sociau e nacionau d’Occitània, dens ua demarcha de lutta de classas laïqua e antiracista. Las plagas sexistas e omofòbas n’estón pas deishadas de costat dens lo debat tanpòc.
L’intervencion francesa au Mali e lo malur deu Pòple d’Azawad, la situation en Siria e la politica de “va t’en guerre” deu govèrn Hollanda qu’estón detalhats tanben. L’analisi suus pais de l’America deu sud devath lo poder de l’esquèrra ; e en particular los qui an volut tornar dar la plaça que s’ameritavan los pòples autoctònes autan dens la vita vitanta com au poder ; que permetó de plan compréner l’òdi qu’aquesta pòt provocar auprès de las granas poténcias capitalistas. La Bolivia, estat plurinationau, que n’ei l’exemple. Camarades perpinhanés de BDS (Boycott – Désinvestissement – Sanctions) qu’èran presents tanben e que’ns tornèn l’istüèra de la loa luta entau boicòt de l’estat raciste d’Israel e de las tesicadas en consequéncia. Enfin camarades paisans de la Hauta-Vath que hiquèn en dabant la necessitat urgenta de produsir e de’s neurir autament. Aqueths paisans que’ns neurin los dus dias e que’us arremerciam.
La convergéncia de las lutas, de totas aqueras lutas, que semblava ua evidença a totas e tots, la solidaritat internacionau com un utis indispensable a la resolucion deu problème coloniau e deu mei gran deus malurs nostes : lo capitalisme.
En esperant, que podetz consultar e signar en linha la peticion deu Comitat de sosten Deber d’insoléncia à Saïdou du groupe Z.E.P e a Said Bouamama :
http://petition.lesinrocks.com/devoirdinsolence/
Comitat Chiapas Aude & Libertat
Commentaires récents